Heimildarmyndin Frihet, likhet og Det muslimske brorskap (2010) (Frelsi, jafnrétti og Bræðralag múslima) eftir Walid al-Kubaisi vakti mikla athygli þegar hún var sýnd á norsku sjónvarpsstöðinni TV2. Walid al-Kubaisi er menntaður verkfræðingur sem flúði upphaflega frá Írak til Noregs árið 1981. Hann er þekktur í Noregi fyrir störf sín sem samfélagsrýnir, rithöfundur og blaðamaður. Myndin sem prýðir myndspilarann sýnir trúfélaga Menningaseturs múslima og Félags múslima á Íslandi mótmæla fyrir utan Grand Hótel Reykjavík í janúar 2016. Þar hélt Stofn­un múslima á Íslandi fund sem Hus­sein Al-Doudi, stjórn­andi stofn­un­ar­inn­ar, skipu­lagði. Vildu menn vita hvað varð um 1,25 millj­ón Bandaríkjadala sem Sádí-Ar­ab­ar lögðu fram til bygg­ing­ar mosku á Ísland.

Salafistarnir á Íslandi og Bræðralagið

Vesturlandabúar ættu að vera á varðbergi gagnvart þremur hópum múslima: salafistum, jíhadistum og Bræðralagi múslima. Þessir hópar íslamista eru allir virkir innan flestra moska í Vestur-Evrópu. Á Íslandi hafa salafistar komið með fjármagn til landsins í moskuna sem ráðgert er að byggja í Sogamýri. Bræðralagið og jíhadistar eru ekki starfandi á Íslandi eftir því sem best er vitað. Allir hóparnir eiga sér sama hugmyndafræðilegt markmið: Hið íslamska kalífat undir fána sharía-laga, hvort heldur það er innan refsiréttar, fjölskylduréttar eða skipulags og rekstrar á stjórnmálalegum og trúarlegum stofnunum samfélagsins. Þessir þrír hópar múslima boða viðhorf og vilja koma á stjórnskipan sem er ósamrýmanleg okkar lýðræði og réttarsamfélagi. Af þeim sökum ætti að banna starfsemi þeirra á Íslandi.

Walid al-Kubaisi tók nokkra lykilmenn er þekkja til Bræðralags múslima í Egyptalandi tali í kvikmynd sinni ,,Frelsi, jafnrétti og Bræðralag múslima”. Þar segir Kamil al-Naijir, fyrrum liðsmaður Bræðralags múslima, að Bræðralagið leiti eftir að ná völdum yfir Evrópu. Al-Kubaisi segir Vesturlandabúa misskilja Bræðralag múslima. Stjórnmálamenn, blaðamenn og álitsgjafar virðist halda að eingöngu sé um trúarhreyfingu að ræða. Markmið Bræðralags múslima er, líkt og annarra íslamista, þó mun víðtækara. Hugmyndafræði bræðralagsins tekur ekki aðeins til trúarlegra þátta heldur einnig félagslegra og pólitískra mála. Markmiðið er að koma á íslömsku ríki og klerkaveldi sem lútir sharía-lögum og samfélagsreglum sem voru við lýði á tímum Múhameðs.

Eins og salafistarnir í Stofnun múslima á Íslandi vinnur Bræðralagið að því að aðskilja múslima frá vestrænum samfélögum og sjá til þess að þeir fylgi sharía-lögum eins og frekast er unnt í löndum Evrópu. Lokatakmarkið er að íslömsk lög verð einn daginn látin gilda um allan heim og fólk sem ekki er múslimar nauðbeygt til að fara eftir þeim.

,,Við munum taka þetta land frá þeim með því að nota lýðræðið sem þeir hafa fengið frá djöflinum,“ segir einn viðmælandinn í myndinni. Rætt er við Gamal al-Banna, yngri bróðir Hassan al-Banna, sem stofnaði Bræðralagið í Egyptalandi árið 1928. Al-Banna er ekki hrifinn af uppgangi Bræðralagsins í Arabalöndunum og Evrópu. Segir þá vera argasta afturhald og andstæðinga frelsis og lýðræðis.

Al-Banna segir slæðuna – hijab – sem tilhlýðilegt þyki að múslímskar konur klæðist, vera síðari tíma uppfinningu. Engin lagaboð er að finna um hana í Kóraninum. Slæðan hafi fyrst orðið áberandi í Egyptalandi upp úr 1990 . Notkun hennar megi rekja til uppgangs Bræðralags múslima og annarra harðlínuafla í Arabaheiminum. Hijab er notuð sem félagslegt taumhald á konur og nefnt lógó Bræðralagsins og þykir bera vott um hvað hreyfingunni hefur vaxið fiskur um hrygg síðustu áratugi.

Kjörorð Bræðralags múslima lýsir vel hugmyndafræðinni: ,,Allah er okkar markmið, boðberinn er okkar leðtogi, Kóraninn okkar lög, jíhad okkar vegur, dauðinn fyrir málstað Allah er okkar æðsta von”. Eins og salafistarnir í Stofnun múslima á Íslandi vinnur Bræðralagið að því að aðskilja múslima frá vestrænum samfélögum og sjá til þess að þeir fylgi sharíaa-lögum eins og frekast unnt er í löndum Evrópu. Lokatakmarkið er að íslömsk lög verði einn daginn látin gilda um allan heim og fólk sem ekki er múslimar nauðbeygt til að fara eftir þeim.

Landráð eða föðurlandssvik eru skilgreind sem brot gegn öryggi eða sjálfstæði ríkins, þ.e. gegn stjórnskipan ríkisins og æðstu stjórnvöldum þess. Stofnun múslima á Íslandi fylgir svipaðri grundvallarhugsun og Bræðralagið, lokatakmarkið er hið sama: Setja á stofn íslamskt samfélag sem stýrt er af textum Kóransins og refsi- og fjölskyldurétti sharía-laga. Markmið Stofnunar múslima á Íslandi er ekki að hjálpa við aðlögun múslima á Íslandi, heldur tryggja að slík aðlögun eigi sér ekki stað.

Skjáskotið sýnir færslu á fésbókarsíðu Stofnunar múslima á Íslandi. Eru þetta skilaboð til íslensku þjóðarinnar? Sádi-arabísku samtökin Al-Rishalah settu Stofnun múslima á Íslandi á fót og fjármagna starfsemina. Vitað er að Al-Risalah-samtökin hafa stofnað sambærilegar íslamskar stofnanir í Svíþjóð, Noregi og Danmörku. Félagar í Al-Risalah dreymir um íslamskt ríki á Norðurlöndunum, vinna náið með öðrum íslömskum öfgasamtökum og eru grunaðir um tengsl við hryðjuverkaöfl. Hus­sein Al-Doudi, stjórn­andi Al-Risalah-samtakana og Stofnunar múslima á Íslandi kom með 1,25 millj­ón Bandaríkjadala til landsins sem Sádí-Ar­ab­ar lögðu fram til bygg­ing­ar mosku á Íslandi.

Al-Azhar-háskólinn og Íslamska ríkið

Sama virðist gilda um trúarsöfnuð Menningarseturs múslima (Islamic Cultural Center of Iceland) sem hrökklaðist frá Ýmishúsinu í Skógahlíð. Ahmad Seddeeq, ímam Menn­ing­ar­set­ursins, hefur í hið minnsta viðrað viðhorf og hagað sér þannig að minnir á bókstafstrúarmenn íslamista. Ahmad útskrifaðist með MA gráðu í íslömskum fræðum frá Al-Azhar-háskóla í Kaíró í Egyptalandi árið 2010.1

1) Sjá hi.is, 17. febrúar 2014: ,,Konur í Íslam: Fyrirlestur – Háskóli Íslands”.

Al-Azhar-háskólinn, sem er leiðandi í íslömskum fræðum á heimsvísu, hefur hafnað því að lýsa yfir að liðsmenn Íslamska ríkisins (ISIS) séu trúníðingar íslams. ,,Það er ekki hægt að lýsa neinn trúandi sem trúníðing, alveg sama hver afbrot hans eru,” skrifuðu hinir lærðu við háskólann í fréttatilkynningu. Þeir bættu því við að Al-Azhar-háskólinn hefði aldrei lýst trúandi manneskju trúníðing.

Það gerði hinir lærðu þó árið 1992. Faraq Foda prófessor mælti með aðskilnaði milli trúar og stjórnmála. Al-Azhar-háskólinn brást við með því fordæma hann sem fallinn frá trúni og þar með trúníðing. Egypskur hryðjuverkahópur tók málið í eigin hendur í framhaldi af því og myrti Foda.2

2) Sjá al-monitor.com, 12. febrúar 2015: ,,Al-Azhar refuses to consider the Islamic State an apostate”. Síðast sótt 20-06-2016 Sjá einnig Storhaug, Hege. 2016. Þjóðaplágan íslam, bls. 271-273. Magnús Þór Hafsteinsson þýddi.

Ahmad Seddeeq, ímam Menn­ing­ar­set­urs múslima á Íslandi, útskrifaðist með MA gráðu í íslömskum fræðum frá hinum virta Al-Azhar-háskóla í Kaíró. Al-Azhar-háskólinn, sem er leiðandi í íslömskum fræðum á heimsvísu, vil ekki fordæma Íslamska ríkið og kennir að drepa megi múslima sem biðji ekki bænir sínar, hið sama gildi um þann sem falli frá trúnni.

Ef námskrá Al-Azhar er skoðuð þá er rökrétt að háskólinn vilji ekki fordæma Íslamska ríkið. Hún segir að drepa megi múlima sem biðji ekki bænir sínar, hið sama gildi um þann sem falli frá trúnni. Námsskráin segir einnig að leyfilegt sé að ,,stinga úr augu þeirra, og höggva af þeim hendur og fætur”.2

Kareem Amer er frá Egyptalandi og býr nú sem landflótta rithöfundur í Noregi. Þegar Amer var 21 árs lenti hann í fangelsi fyrir að gagnrýna íslam og Al-Azhar-háskólann þar sem hann hafði stundað nám. Í grein sem Amar skrifar og heitir ,,Al-Azhar-háskólinn og Íslamska ríkið eru tvær hliðar sama penings” segir:

Snögg skoðun á kennsluefni Al-Azhar og ræðum ímama sem hlotið hafa menntun sína við háskólann sannar að Al-Azhar og Íslamska ríkið eru ekkert annað en tvær ljótar hliðar á sama máli … Al-Azhar notast við sömu trúarlegu skírskotanir og Íslamska ríkið: hvorir tveggja fylgja súnní-kennisetningum og þeim trúartextum úr Kóraninum og súnna sem Íslamska ríkið notar ávallt til að réttlæta glæpaverk sín. Al-Azhar kennir nemendum sínum sömu texta bæði í framhaldskólum og síðan í háskólanum sjálfum þar sem ég var við nám.3

3) Sjá rights.no, 10 febrúar 2015: ,,Al-Azhar universitetet og IS er bare to stygge sider av samme sak”. Fengið úr Storhaug, Hege. 2016. Þjóðaplágan íslam, bls. 272. Magnús Þór Hafsteinsson þýddi.

Salman Tamimi formaður Félags múslima á Íslandi er hlynntur aflimun þjófa að hætti sharía-laga. Verður því seint talinn hófsamur í skoðunum. Samt sem áður gengur öfgahyggja Stofnunar múslima og Menningasetursins fram af formanninum. Spurður um hvers vegna hann hafi rekið þessa tvo hópa múslima úr félaginu svarar hann: ,,Þeir gagnrýndu íslenska menningu og héldu hatursfullar ræður um íslenskt þjóðfélag. Þeir voru mjög öfgafullir í sínum skoðunum. Þeir pössuðu ekki inn í okkar félagsskap.”4

4) Nordlys. 2010. ,,UD griper inn. Stopper fianseringin av mosken. Har henvendt seg til saudiske myndigheter. Nå satser Sandra Maryam Moe på Island”, 6. nóvember. Sjá nánar bls. 301-304 í Storhaug, Hege. 2016. Þjóðaplágan íslam. Magnús Þór Hafsteinsson þýddi.

Stjórnarskráin bannar starfsemi salafista á Íslandi

Það er ekkert sem réttlætir að söfnuðir salafista fái að starfa á Íslandi. Stofnun múslima á Íslandi ber að banna, enda hafa Al-Rishalah-samtökin, notið fjárhagsaðstoðar félags sem er á lista öryggisráðs Sameinuðu þjóðanna yfir hryðjuverkasamtök. Menningasetri múslima ætti einnig að slíta með dómi því söfnuðurinn hafnar lýðræði og vil innleiða sharía-lög á Íslandi.

Samkvæmt 3. mgr. 73. gr. stjórnarskrár Íslands er heimilt í þágu allsherjarreglu að skerða frelsi manna til þess að hvetja til ofbeldis og annarra refsiverðra verka þar sem lögð er refsing við slíkri hvatningu í almennum hegningarlögum. Öryggi ríkisins réttlætir að refsivert er að stuðla að því í ræðu eða riti að erlent ríki byrji á fjandsamlegum tiltækjum við íslenska ríkið.

Þá segir í 74. gr.: ,,Félag má ekki leysa upp með ráðstöfun stjórnvalds. Banna má þó um sinn starfsemi félags sem er talið hafa ólöglegan tilgang, en höfða verður þá án ástæðulausrar tafar mál gegn því til að fá því slitið með dómi.”

Það er ekkert sem réttlætir að söfnuðir salafista fái að starfa á Íslandi. Stofnun múslima á Íslandi ber að slíta með dómi, enda hafa Al-Rishalah-samtökin notið fjárhagsaðstoðar félags sem er á lista öryggisráðs Sameinuðu þjóðanna yfir hryðjuverkasamtök.5 Menningasetri múslima ætti einnig að slíta með dómi því söfnuðurinn hafnar lýðræði og vil innleiða sharía-lög á Íslandi.

5) Sjá sydsvenskan.se, 8. febrúar 2006: ,,al-Haramain står på FN’s terrorlista”. Síðast sótt 19-06-2016.

Bæði félögin hafa ólöglegan tilgang. Stofnun múslima er skráð sem sjálfseignarstofnun sem stundar atvinnurekstur enda þótt um stjórnmálaflokk sé að ræða. Sama gildir um Menningasetur múslima, það er skráð sem trúfélag þótt um sé að ræða heilsteypt félagslegt, stjórnmálalegt og lagalegt hugmyndakerfi í andstöðu við allsherjarreglu og almannaheill.

Mikilvægt hlutverk ímama, menningarsetra múslima, bænahúsa þeirra og einkaskóla er að koma í veg fyrir aðlögun múslima að veraldlegu, ,,guðlausu” samfélagi vestrænna ríkja. Einangruð, sérsamfélög múslima er óskastaða íslamista því það færir þeim meiri völd yfir íbúunum.

Í 63. gr. íslensku stjórnarskrárinnar segir ennfremur: ,,Allir eiga rétt á að stofna trúfélög og iðka trú sína í samræmi við sannfæringu hvers og eins. Þó má ekki kenna eða fremja neitt sem er gagnstætt góðu siðferði eða allsherjarreglu.”

Heilmargt í íslam stríðir gegn góðu siðferði. Til dæmis réttindum kvenna þegar kemur að hjónabandi, skilnaði og forsjá barna. Við eigum ekki að þurfa bíða eftir að sjá sömu fylgifiska trúarofstækis salafismans koma fram á Íslandi eins og annars staðar í Vestur-Evrópu: sharía-lög, kynjamisrétti, ofbeldi gegn konum og börnum, kynfæralimlestingar, heiðursmorð, andúð á samkynhneigðum, gyðingaofsóknir, fjölkvæni og hjónabönd þar sem ungt fólk – í sumum tilvikum stúlkur á barnsaldri – er þvingað til að eiga maka sem sóttir eru til upprunalandsins.

Langur armur íslam hindrar frelsi og aðlögun

Í bók Ahmed Akkari, fyrrum ímams og sharía-dómara í Danmerkur, Min afsked med islamismen. Muhamedkrisen, dobbeltspillet og kampen mot Danmark (2014) (Viðskilnaður minn við íslamismann. Múhameðskreppan, tvískinnungurinn og baráttan gegn Danmörku), lýsir hann þankagangi salafista og hvernig hann og aðrir ímamar höfðu stjórn á samfélagi múslima í smáatriðum. Sérstaklega stúlkum og konum en einnig heilu fjölskyldunum.

Í 63. gr. íslensku stjórnarskrárinnar segir ennfremur: ,,Allir eiga rétt á að stofna trúfélög og iðka trú sína í samræmi við sannfæringu hvers og eins. Þó má ekki kenna eða fremja neitt sem er gagnstætt góðu siðferði eða allsherjarreglu.” Heilmargt í íslam stríðir gegn góðu siðferði. Við eigum ekki að þurfa bíða eftir að sjá sömu fylgifiska trúarofstækis salafismans koma fram á Íslandi eins og annars staðar í Vestur-Evrópu.

Mikilvægt hlutverk ímama, menningasetra múslima, moska þeirra og einkaskóla er að að koma í veg fyrir aðlögun múslima að veraldlegu, ,,guðlausu” samfélagi vestrænna ríkja. Einangruð, sérsamfélög múslima er óskastaða íslamista því það færir þeim meiri völd yfir íbúunum. Ef lögreglunni sé blandað í málin skrifar Akkari er það ,,eins og að bjóða hermönnum óvinarins inn fyrir veggi búðanna”.6 Hann lýsir hlutverki ímamsins svo:

Ég var sálusorgari gettósins, sáttasemjari í deilum, félagsráðgjafi, sálfræðingur, lögspekingur, málfærslumaður og dómari …

Þetta þýddi að ég og örfáir aðrir trúarlegir leiðtogar, aðeins í Árósum einum saman stýrðum í reynd smáum sem stórum ákvörðunum í hundruðum fjölskyldna. Við gátum í flestum tilvikum ákveðið hvar börnin sóttu skóla, hvort þau mættu fara í veislur, hvort húsmóðirin mætti lesa dagblöð, hvort fjölskyldan gæti tekið lán fyrir nýjum bíl, hvort eiginmaðurinn gæti óskað dönskum vinnufélögum sínum gleðilegra jóla og allt mögulegt annað.

Þeir múslimar sem sóttu ráð til okkar bundust ímömunum svo sterkum böndum að þeir urðu eins konar útsendarar fyrir þessa litlu trúarlegu elítu (ímamana). Ef þeir sáu eða heyrðu eitthvað í hinu múslimska nærumhverfi sem þeir töldu stangast á við sharía-lögin og anda íslams, eins og slíkt var lagt fram af starfsélögum mínum og mér, þá gripu þeir strax til farsímans og höfðu samband við okkur … Athyglin beindist aðallega að unga fólkinu. Það var litið á það sem sameiginlegt verkefni að tryggja þessar veiku sálir fyrir því að óhreinkast af dönsku samfélagi.

Öll þessi íslamska forsjárhyggja gerði sitt til þess að herða þá einangrun sem þegar átti sér stað frá dönsku þjóðfélagi eins og í skólakerfinu (með einkreknum skólum múslima, aths. höfundar) og í moskunum. Það var einfaldlega svo að ungt jafnt sem eldra fólk var kerfisbundið hindrað í að aðlagast dönsku samfélagi.6

6) Akkari, Ahmed. 2014. Min afsked med islamismen. Muhammedkrisen, dobbelspillet og kampen mot Danmark, bls. 157-158. Fengið úr Storhaug, Hege. 2016. Þjóðaplágan íslam, bls. 208-210. Magnús Þór Hafsteinsson þýddi.