Öfgaöflin á bak við byggingu mosku á Íslandi

Moskan í Reykjavík og Al-Rishalah samtökin

Hinn 16. desember 2014 afhenti sendi­herra Sádi-Ar­ab­íu í Svíþjóð og á Íslandi Hussein Al-Daoudi ávísun að andvirði 1,25 millj­ón­ir Banda­ríkja­dala, eða um 154 milljónir íslenskra króna á núvirði, til að styrkja byggingu mosku í Reykjavík. Hussein Al-Daoudi er framkvæmdastjóri Al-Risalah-samtakanna sem reka Stofnun múslima á Íslandi og sambærilegar íslamskar stofnanir í Svíþjóð, Noregi og Danmörku. Félagar í Al-Risalah-samtökunum dreymir um íslamskt ríki á Norðurlöndunum, vinna náið með öðrum íslömskum öfgasamtökum og eru grunaðir um tengsl við hryðjuverkaöfl.

Al-Risalah-samtökin leika tveimur skjöldum. Félagasamtökin segjast stuðla að friði og vilja efla virðingu fyrir og umburðalyndi gagnvart öllum trúarbrögðum. Halda þvertúarlegar ráðstefnur þar sem rætt er um hvernig best er að ,,samþætta” ólíkar menningar. Talsmenn samtakanna eru meistarar í orwellískri orðræðu; þeir stunda það sem nefnt er taqiyya og er stundum leyfilegt í íslam; beita blekkingum og lygum til að öðlast traust fólks. Karim Askari, framkvæmdastjóri Stofnunar múslima á Íslandi (Islamic Foundation of Iceland) segir samtökin t.d. vera á móti öllum þeim sem misnota fólk og öllu því sem elur á aðskilnaði innan samfélaga. Reynsla frændþjóða okkar hefur sýnt að það er einmitt það sem Al-Rishalah félagasamtökin og skyld íslömsk öfgasamtök gera.1

Al-Risalah-samtökin sem kom með fjármagnið til að reisa moskuna í Sogamýri hljóta fjárhagsstuðning frá öðrum sádískum félagasamtökum, Al-Haramain, en sá félagsskapur er á lista öryggisráðs Sameinuðu þjóðanna yfir hryðjuverkasamtök.

Al-Rishalah-samtökin hafa aðsetur í Sádi-Arabíu. Al-Rishalah á Norðurlöndum (Alrisalah Scandinavian Foundation) var sett á fót árið 2003 og er með höfuðstöðvar í Örebro í Svíþjóð.2 Samtökin aðhyllast strangtrúaða og mjög íhaldssama grein innan íslamstrúar, svonefndan salafisma eða wahabisma, sem auðug ríki á borð við Sádi-Arabíu hafa verið örlát við að breiða út og styrkja.3 Salafistar halda fram bókstafstrúartúlkunum á Kóraninum og hefðum spámannsins Múhameðs. Samkynhneigða skal drepa, karlar skulu drottna yfir konum, fólk sem fellur frá trúnni skal gjalda það með lífi sínu. Refsa skal fyrir kynlíf utan hjónabands með lífláti eða svipuhöggum.

Hjónabandssáttmála getur karlmaður gert við foreldra stúlkubarns burtséð frá aldri og haft samræði við barnabrúðuna þegar hún hefur náð 9 ára aldri. Sharía-lögum íslams skal komið á út um allan heim, þar með talið refsirétturinn með tilheyrandi hegningarákvæðum. Kristnir menn og gyðingar – svonefnt kafír-fólk – eru annars flokks borgarar og viðurstygð í augum Allah og allra sannra múslima.

Dr. Ahmad Al-Mu’bi sem annast hjónavígslur í Sádi-Arabíu útskýrir hvaða lög gilda um kynlíf með börnum þar í landi. Fyrirmyndin er Múhameð spámaður sem trúlofaðist Aishu þegar hún var 3 ára gömul, og kvæntist henni og hafði við hana holdleg mök þegar hún var 9 ára. Í Noregi liggur fyrir dómur í máli þar sem staðfest er að ímam hafi með vitund og vilja framkvæmt trúarlega hjónavígslu milli 13 ára gamallrar stúlku og fullorðins frænda hennar. Ímamar hafa gift þúsundir stúlkna á barnsaldri eldri körlum víðsvegar í löndum Vestur-Evrópu. Oussama El-Saadi ímam Grimhøj-moskurnar í Árósum hefur krafist þess að íslömsk hjónabönd stúlkubarna verði lögleidd í Danmörku því það tilheyri menningu múslima. Ímaminn vísar einnig til þess að núna séu mörg stúlkubörn í flóttamannamiðstöðvum landsins ófrískar og gefa verði barnsfeðrum þeirra kost á því að kvænast þeim.

Salafistar og wahabistar4 boða kalífat um allan heim sem stýrt sé með sama hætti og gert var undir Múhameð á Arabíuskaga fyrir um 1.400 árum síðan. Hér er á ferðinni lögfræðilegur og stjórnmálalegur boðskapur sem Al-Risalah-félagasamtökin hafa fyrst og fremst að færa. Guðfræði- og trúarlegir þættir á borð við bænir, athafnir, það að gefa ölmusu og fleira eru þættir sem falla í skugga hina pólitísku markmiða. Al-Risalah-samtökin á Norðurlöndum eru hluti af heilögu stríðijíhad – sem salafistar og aðrir íslamistar heyja á Vesturlöndum.

Í fyrstu er jíhadið í formi hugmyndafræðilegrar baráttu sem kemur öðru framar frá borgurum og hreyfingum er hafa hreiðrað um sig innan landamæra viðkomandi landa. Herfræðin gengur út á að heimsækja helstu ráðamenn landsins, segjast vilja frið; búa í sátt og sam­lyndi, og stofna síðan menningarsetur, moskur og kóranskóla þar sem sharía-lög og hugmyndafræði íslamskra harðlínumanna er kennd og vestrænu réttarsamfélagi og lýðræði bölvað. Alls staðar sést sama hugmyndafræðilega mynstrið í moskum og menningarsetrum múslima þar sem ímamar með tengsl við Sádi-Arabíu prédika.

Sjónvarpsfréttamenn sem fóru með faldar myndarvélar inn í moskur í Bretlandi og Danmörku flettu ofan af hatursorðræðunni sem þar fer fram. Sjá myndskeiðin hér að neðan. Margir prédikaranna sem hafa verið afhjúpaðir eru að finna á lista með nöfnum fyrirlesara hjá bresku öfgasamtökunum islamic Education and Research Academy (iERA) sem Al-Risalah-samtökin eru í nánu samstarfi við. Í Alsalam, grunnskóla Al-Risalah-samtakanna í Svíþjóð, þar sem Hussein Al-Daoui er skólastjóri, er börnum bannað að hlusta á vestræna tónlist.5 Í grunnskólanum er ennfremur kennt að sannir múslimar geti ekki verið samkynhneigðir. 6 Alsalam-skólinn einkennist af strangtrúuðu íslam og hefur verið gagnrýndur fyrir að þiggja fjárframlög frá íslömskum trúboðasamtökum í Sádi-Arabíu. Stofnun múslima á Íslandi hefur áform um að koma á fót áþekk­um Alsalam skól­a hér á landi.

Félagsmenn Stofnunar múslima voru reknir úr Félagi múslima á Íslandi. ,,Þeir gagnrýndu íslenska menningu og héldu hatursfullar ræður um íslenskt þjóðfélag,” útskýrir Salman Tamimi.

Al-Risalah-samtökin, sem sköffuðu fjármagnið í moskuna sem stendur til að reisa í Sogamýri, hljóta fjárhagsstuðning frá öðrum sádískum samtökum er heita Al-Haramain. Al-Haramain-samtökin eru á lista öryggisráðs Sameinuðu þjóðanna yfir hryðjuverkasamtök. Bandarísk yfirvöld telja sig hafa upplýsingar um að Al-Haramain hafi fjármagnað hryðjuverkahópa, á borð við Al-Kaída. Al-Harmain standa fyrir byggingu langt yfir þúsund moska víða um heim, þau styðja fyrirlestra og málþing og dreifa milljónum íslamskra áróðursbæklinga.7

Öfgamenn á Íslandi

Strangtrúaðir salafistar með fjárhagsleg tengsl við Sádi-Arabíu standa á bak við byggingu mosku á Íslandi. Á myndinni hér að ofan lengst til hægri er Hussein Al-Doui framkvæmdastjóri Al-Rishalah-samtakanna sem komu með fjármagn til að reisa moskuna. Samtökin eru sögð vera ,,sjálfur hverfiöxullinn í sádíska netverkinu sem stendur fyrir öllum sádi-arabískum fjárfestingum í skólum, menningarsetrum og moskum í Skandinavíu”.10 Þegar Al-Rishalah-félagasamtökin vildu útvega fé til að reisa mosku í Tromsö var fortíð og hugmyndafræði forsvarsmanna samtakanna skoðuð. Í ljós komu tengsl við hryðjuverkasamtök og öfgastefnu af versta tagi. Ekkert hefur orðið úr byggingu moskunnar í Tromsö. Norska utanríkisráðuneytið stakk umsókninni um að taka við peningagjöf sádi-araba ofan í skúffu þar sem hún liggur enn. Á Íslandi lagði hins vegar bæði Seðlabank­inn og ut­an­rík­is­ráðuneytið bless­un sína yfir fjár­styrk Sáda til Stofn­un­ar múslima á Íslandi áður en greiðslan gekk í gegn.

Íslamskir öfgamenn hreiðra um sig í Noregi og á Íslandi

Árið 2010 gerðust sögulegir atburðir í Tromsö í Norður-Noregi. Í fyrsta skipti í sögu íslams í Noregi voru opinskátt lagðar fram upplýsingar sem sýndu bein tengsl við Sádi-Arabíu. Það ríki er höfuðmiðstöð þess íslams sem iðkað var á velmektardögum Múhameðs fyrir tæpum 1.400 árum. Árið 2009 var Alnor-moskan í Tromsö með 296 skráða meðlimi. Hussein Al-Daoudi, framkvæmdastjóri Al-Rishala-samtakanna á Norðurlöndunum, er búsettur í Svíþjóð en hefur um árabil verið stjórnarformaður Alnor-moskunnar í Tromsö. Talskona Alnor-moskunnar, hin norskfædda Sandra Maryam Moe, tilkynnti að ríkur kaupsýslumaður frá Sádi-Arabíu vildi gefa 20 milljónir norskra króna til að reist yrði ný og glæsileg moska í Tromsö. Heildarbyggingarkostnaður moskunnar átti að verða milli 50 og 100 milljónir króna.8

Skirbekk vakti athygli á mótsögninni í málinu: Stjórnvöld í Sádi-Arabíu leyfa ekki að byggðar séu kirkjur þar í landi. Sömuleiðis er bannað að taka Biblíu með sér inn í landið. Hvers vegna ætti Noregur að leyfa Sádum að boða þeirra íslam í Noregi?

Seinna kom á daginn að hinn gjafmildi Sádi heitir Hamad Al Gamnas og var einnig hluti af Al-Rishalah-samtökunum.9 Samtökin eru ,,sjálfur hverfiöxullinn í sádíska netverkinu sem stendur fyrir öllum sádi-arabískum fjárfestingum í skólum, menningasetrum og moskum í Skandinavíu”.10 Sádinn setti það skilyrði við gjöfina að norsk stjórnvöld gæfu formlegt samþykki fyrir henni.

Norska utanríkisráðuneytið tók við umsókn um að leyft yrði að taka hinu rausnarlega tilboði kaupsýslumannsins frá Sádi-Arabíu. Spyrja má hvort fólk þar hafi skynjað að Sádinn kæmi til með að vilja fá gjöfina launaða með hugmyndafræðilegum ávinningi? Utanríkisráðuneytið lagði nefnilega umsóknina um að taka við peningagjöfinni einfaldlega ofan í skúffu þar sem hún liggur enn.

Tarjei Skirbekk, ráðgjafi í utanríkisráðuneytinu, sagði í samtali við Svenska dagbladet að umsóknin hefði ekki verið tekin til efnislegrar meðferðar í stjórnsýslunni.11 Í þessu samtali vakti Skirbekk athygli á mótsögninni í málinu: Stjórnvöld í Sádi-Arabíu leyfa ekki að byggðar séu kirkjur þar í landi. Sömuleiðis er bannað að taka Biblíu með sér inn í landið. Hvers vegna ætti Noregur að leyfa Sádum að boða þeirra íslam í Noregi?12

Sýnishorn af boðskapi trúbræðra Al-Rishalah í Danmörku og Bretlandi

Myndskeiðin: 1) Í mars 2016 sýndi danska sjónvarpsstöðin TV2 þættina Moskeerne bag sløret þar sem farið var meðal annars með faldar myndavélar inn í moskur í Danmörku. Þættirnir hafa vakið geysimikla athygli og umtal því þeir afjúpa ástundun sharía-laga í moskunni. 2) Fahad Quereshi, leiðtogi Islam Net, ræðir við unga múslima í Noregi um dauðarefsingu fyrir samkynhneigð og grýtingar fyrir framhjáhald o.fl. hegningar sharía-laga sem bestu mögulegu refsilöggjöf fyrir allt mannkyn. Quereshi hefur ræðu sína klukkan 2:27 í þessari upptöku. Al-Rishalah-samtökin og Stofnun múslima á Íslandi starfa náið með salafídunum< í Islam Net. 3) Undercover Mosque I. Chanel 4-sjónvarpsstöðin fór með faldar myndavélar inn í sex moskur víðs vegar um Bretland árið 2007. Þar hittu rannsóknarmenn stöðvarinnar karla og konur sem fóru lítt í felur með öfgaskoðanir sínar hvort heldur var gyðingahatur, hatur á kristnu fólki, hroðaleg kvennasýn, grænt ljós á aftökur þeirra sem falla frá trúnni og viðurkenningu á hjónaböndum stúlkubarna allt niður í níu ára aldur. Það var líka básúnað um að kollvarpa samfélaginu og koma á fót íslömskum viðmiðum á öllum stigum samfélagsins. Sumir prédikarar í þessum heimildarþætti eru á lista með nöfnum fyrirlesara og kennimanna hjá öfgasamtökunum islamic Education and Research Academy (iERA), sem Al-Rishalah-félagasamtökin eru í samstarfi við. 4) Undercover Mosque II, síðari þáttur Chanel 4 um hatursorðræðuna í moskum Bretlands. Þátturinn varpar ljósi á ofstækið og alræðishyggjuna í trúmálum sem berst frá Sádi-Arabíu.

Tengsl Stofnunar múslima á Íslandi við öfgamenn og hryðjuverkasamtök

Landnám sádísku félagasamtakanna Al-Rishalah í Tromsö, Noregi hófst þó ekki með fjárveitingunni til að byggja þar mosku fyrir tugi milljónir norskra króna. Þegar árið 2006 hafði Alnor fengið byggingu að gjöf í Tromsö til afnota fyrir starfsemi sína þar sem komið var upp mosku. Til að ganga frá þessum kaupum sendi Al-Rishalah sádi-arabíska kaupsýslumanninn Saleiman al-Shiddi til Tromsö sem greiddi 2,7 milljónir norskra króna fyrir bygginguna.13

Í skýrslu sem franska ríkisstjórnin gaf út árið 2011 eru tilgreindir tveir meginþættir sem komi í veg fyrir aðlögun innflytjenda: Kvennakúgun og iðkun á salafisku íslam. Í moskunni í Reykjavík munu Al-Rishalah-samtökin kerfisbundið hindra að ungt jafnt sem eldra fólk aðlagist íslensku samfélagi.

Svipað var upp á teningnum á Íslandi varðandi kaupin á Ýmishúsinu sem síðar varð Menningarsetur múslima. Árið 2010 setti framkvæmdastjóri Al-Rishalah-samtakanna, Hus­sein Al-Daoudi, Sandra Maryam Moe og Sulaim­an Abdullah al-Shiddi á fót Stofn­un múslima á Íslandi ses. (hét upphaflega The Islamic Endowment in Iceland ses.). Ekki er ljóst hvort al-Shiddi þessi er hinn sami og keypti bygginguna í Tromsö fyrir Alnor-moskuna. Hussein al-Daoudi lagði til 80% af stofn­fénu og al-Shiddi 20%. Þeir eru báðir bú­sett­ir í Svíþjóð og höfðu fram að þessu – eftir því sem best er vitað – engin tengsl við Ísland.14

Þann 1. júlí sama ár var samn­ingi Stofnunar múslima á Íslandi við Fagra­ás ehf. um kaup á Ýmis­hús­inu þing­lýst. Samkvæmt fréttum var kaupverðið 270 milljónir íslenskra króna. Stjórn­ar­menn Stofnunar múslima á Íslandi eru sex og er Hussein al-Daoudi, Sandra Maryam Moe og Sulaiman Abdullah Alshiddi þar á meðal, en fram­kvæmda­stjór­inn, Karim Ask­ari, er sá eini sem býr hér á landi; allir aðrir sem sitja í stjórninni eru bú­sett í Svíþjóð.15 Stofnun múslima á Íslandi leigði Menningasetri múslima 1.169,9 fer­metra Ýmishúsið fyrir 10.000 kr. á mánuði.16 Það samstarf sprakk í loft upp eins og frægt er orðið.

Myndin sem prýðir myndskeiðið hér að ofan var tekin þegar framkvæmdastjóri Al-Risalah-stofnunarinnar í Svíþjóð, Hussein Al-Daoudi, ásamt Ahmad Seddeeq ímam og Karim Askari framkvæmdastjóra Stofnunar múslima á Íslandi heimsóttu biskup Íslands, fimmtudaginn 30. ágúst 2012. Hussein Al-Daoudi óskaði eftir samstarfi við þjóðkirkjuna í málum sem stuðla að aðlögun múslima hér á landi og samfélagsuppbyggingu. Biskupinn óskaði þeim til hamingju með væntanlega mosku og tók undir óskir um samstarf á þeim sviðum sem stuðla að uppbyggingu góðs samfélags á Íslandi og eru byggð á sameiginlegum gildum.17 Tveimur árum áður hafði norska ríkisstjórnin neitað að taka við fjármagni frá Hussein Al-Daoudi og samtökum hans til að byggja mosku í Tromsö. Orðið var ljóst að þaðan lágu bönd í haturs- og öfgahyggju af versta tagi. Myndskeiðið sýnir viðtal við Hussein Al-Daoudi sem segist vilja lifa eftir sharía-lögum í Svíþjóð, eins og frekast er unnt, og að samkynhneigð fyrirfinnist ekki hjá múslimum.

Þótt þessir tveir hópar múslima eigi í deilum er vart merkjanlegur munur á þeim þegar kemur að öfgahyggju. Bæði félögin iðka það sem þau kalla hina einu sönnu íslamstrú og taka orð Kóransins bókstaflega. Ahmad Seddeeq, ímam safnaðarins í Menningasetri múslima sagði t.a.m. í viðtali við Speg­il­inn á RÚV að sam­kyn­hneigð ýtti und­ir barn­arán og man­sal. Börnum sé rænt og þau seld á marköðum svo samkynhneigðir geti ættleitt þau. Í viðtal­inu sagði Ahmad einnig að kon­ur ættu að hylja hár sitt til að koma í veg fyr­ir fram­hjá­hald, þá hefur komið fram að hann hafi neitað að taka í hönd frétta­konu Speg­ils­ins af sömu ástæðu. Hussein Al-Daoudi sem bauð Biskupi Íslands aðstoð sína við aðlögun múslima að íslensku samfélgi er einnig kunnur fyrir að neita að taka í hendurnar á konum.18

Þegar ljóst varð að norska utanríkisráðneytið stæði í vegi fyrir áformum íslamskra öfgamanna um byggingu á mosku í Tromsö ákváðu þau að reyna fyrir sér á Íslandi.

Salman Tamimi formaður Félags múslima á Íslandi segist hafa rekið einstaklinga sem standi að Menningarsetri múslima úr félagi sínu vegna ,,öfga, ofstækis og yfirgangs í nafni trúarbragða”. Norska dagblaðið Nordlys fjallaði um Menningarsetur múslima á Íslandi 6. nóvember 2010 í tengslum við fréttir af því að norska utanríkisráðuneytið hefði stöðvað áform um byggingu mosku í Tromsö.

Í þeirri frétt sem ber titilinn ,,UD griper inn. Stopper fianseringin av mosken. Har henvendt seg til saudiske myndigheter. Nå satser Sandra Maryam Moe på Island” (Utanríkisráðuneytið grípur inn í. Stöðvar fjármögnun mosku. Hefur haft samband við sádísk stjórnvöld. Núna veðjar Sandra Maryam Moe á Ísland) er rætt við Salman Tamimi og orðrétt eftir honum haft, eftir að hann er spurður hvers vegna hann hafi rekið fólkið úr Félagi múslima: ,,Þeir gagnrýndu íslenska menningu og héldu hatursfullar ræður um íslenskt þjóðfélag. Þeir voru mjög öfgafullir í sínum skoðunum. Þeir pössuðu ekki inn í okkar félagsskap”.19

Sandra Maryam Moe (á myndinni hér að ofan) er talskona Alnor-moskunnar í Tromsö og situr jafnframt í stjórn Stofnunar múslima á Íslandi. Hún er ásamt Hussein al-Daoudi, framkvæmdastjóra Al-Rishalah-samtakanna, grunuð um tengsl við hryðjuverkasamtök. Áður hefur verið vikið að tengslum Al-Rishalah við Al-Haramain sem hafa verið sökuð um að leggja fé til al-Quaida-hryðjuverkasamtakanna og eru því á lista öryggisráðs Sameinuðu þjóðanna yfir hryðjuverkasamtök. Núna skulum við skoða betur bakgrunn Söndru Maryam Moe.

Að minnsta kosti tveir stjórnarmanna Stofnunar múslima á Íslandi eru grunaðir um tengsl við hryðjuverkahópa: Hussein al-Daoudi og Sandra Maryam Moe. Þótt grunnt sé á öfgahyggjunni hefur stjórninni tekist vel upp í aðferðafræði sinni að láta líta út fyrir að vera hófsamir í augum Íslendinga.

Sandra Mayram Moe er norsk, fædd og uppalin í Tromsö, og tók íslamstrú fyrir 20 árum. Tveir rannsóknarblaðamenn við dagblaðið Nordlys skoðuðu fortíð þeirra sem standa fyrir rekstri Alnor-moskunnar. Í ljós kom að breski trúskiptingurinn Andrew Ibraham Wenham, eiginmaður Söndru Maryam Moe, hafði verið í þjálfunarbúðum hryðjuverkamanna á Filippseyjum. Þessum búðum var stjórnað af Jemmah Islamiyah sem tengjast al-Qaida. Þessi samtök voru á bak við hin mannskæðu hryðjuverk í Balí 12. október 2002.20 Þá týndu 202 manneskjur lífi sínu og 209 slösuðust. Mikill meirihluti fórnarlambanna var vestrænir ferðamenn. Til viðbótar við þetta kom í ljós að Wenham hafði náin tengsl við mikilvægar persónur í al-Qaida.

Alnor-moskan vinnur einnig náið með bresku öfgasamtökunum islamic Education and Research Academy (iERA). Þessi samtök búa yfir löngum lista með nöfnum fyrirlesara, ráðgjafa og prédikara sem ferðast um Evrópu á vegum moska og íslamskra félagasamtaka. Árið studdi iERA Alnor-moskuna fjárhagslega til að fara um Norður-Noreg í leit að að nýjum trúsystkinum. Breskir fulltrúar iERA tóku þátt í þessum ferðalögum og voru mjög virkir í boðun íslams og tilraunum til að fá Norðmenn til að ganga íslam á hönd.21

Af ávöxtunum skulið þið þekkja þá

Árið 2014 gaf Ráð fyrrverandi múslima í Bretlandi (Council of Ex-Muslims in Britain) út skýrslu um orðræðu 16 leiðtoga, fyrirlesara, ráðgjafa og prédikara iERA. Höfundar skýrslunnar rannsökuðu persónulegar færslur 16-menninganna á Facebook og Twitter og fyrirlestra þeirra og ræður á youtube-myndbandaveitunni. Þannig var tryggt að eingöngu væri vitnað í hvað viðkomandi hefði sjálfur sagt eða skrifað um tiltekið umtalsefni.22

Skýrslan Evangelising Hate: Islamic Education and Research Academy (iERA) er athyglisverð fyrir þær sakir að hún veitir Íslendingum innsýn í hugmyndaheim þeirra sem hafa komið með 429 milljónir íslenskra króna til Íslands til að kaupa Ýmishúsið fyrir safnaðarstarf og styrkja byggingu mosku í Reykjavík. Hér er dæmi um það sem kemur fram í ræðu og riti salafista iERA-akademíunnar, sem Al-Risalah-samtökin, Alnor-moskan í Tromsö og Stofnun múslima á Íslandi eiga samstarf við:

  • Hommar eiga skilið að vera teknir af lífi.
  • Leyfilegt er að berja eiginkonu sína og börn, enda eru líkamsrefsingar í samræmi við guðlega tilskipun.
  • Kona sem gerist sek um framhjáhald og önnur kynlífsbrot má grýta til dauða.
  • Lýst er yfir stuðningi við prédikara sem er með hatursáróður gegn shía-múslimum í Bretlandi.
  • Múslimar sem falla frá trúnni eiga skilið að vera drepnir.
  • Hatur á gyðingum og þeim lýst sem ,,óþverrum”. Fallist er á samsæriskenningar um að gyðingar sækist eftir heimsyfirráðum.
  • Hatur og afmennskun allra sem ekki eru múslimar, kafír-fólk eða kuffar eru óæðri manneskjur.
  • Aðgerðasinni og dawah-trúboði iERA gengur til liðs við vígasveitir íslamista í Sýrlandi og fellur þar í heilögu stríði.
  • Aðgerðasinni og dawah-trúboði iERA hrósar Hitler og lýsir aðdáun sinni á helförinni.
  • Frjálslyndir múslimar sem andmæla boðskapi iERA eru ekki múslimar.
  • Konur bera sjálfar sök á því að þeim er nauðgað og þær beittar kynferðislegu ofbeldi.
  • Heimilt er að umskera konur (þ.e. sníða af þeim snípinn).
  • Íslömsk alheimshyggja – lýðræði og veraldarhyggja er síðri stjórnskipun en stjórnarfar sem byggir á sharía-lögum. Fjölmenningarstefnan gefur okkur tækifæri til að breiða út kennisetningar íslamstrúar og koma á íslömsku stjórnarfari.
  • Jíhad er trúarleg skylda hvers múslima
  • Íslamskur salafismi er hugmyndafræðileg forræðisstefna sem sækist eftir að breyta innviðum samfélagsins og koma á fót klerkaveldi.

Unlimited tolerance must lead to the disappearance of tolerance. If we extend unlimited tolerance even to those who are intolerant, if we are not prepared to defend a tolerant society against the onslaught of the intolerant, then the tolerant will be destroyed, and tolerance with them … We should therefore claim, in the name of tolerance, the right not to tolerate the intolerant. We should claim that any movement preaching intolerance places itself outside the law, and we should consider incitement to intolerance and persecution as criminal, in the same way as we should consider incitement to murder, or to kidnapping, or to the revival of the slave trade, as criminal.
― Karl Popper, The Open Society and Its Enemies

Sigurfreyr Jónasson tók saman. Greinin byggir á völdum brotum úr bók Hege Storhaug, Þjóðaplágan íslam, í þýðingu Magnúsar Þórs Hafsteinssonar. Einnig er leitað fanga í íslensk, dönsk og norsk dagblöð, skýrslu Council of Ex-Muslims of Britain (CEMB), youtube-myndbandaveituna og önnur vefsetur.

Heimildir:
1. Sjá nánar um stjórnmálalegar, félagslegar og menningarlegar afleiðingar salafismans hjá Akkari, Ahmed. 2014. Min afsked med islamismen. Muhammedkrisen, dobbeltspillet og kampen mot Danmark. Einnig hjá Council of Ex-Muslims of Britain, Quilliam Foundation og The Clarion Project Margir frjálslyndir múslimar og þeir sem eru friðelskandi, eða hafa fallið frá trúnni (Ahmed Akkari er t.d. fyrrum ímam og sharía-dómari) vilja vara fólki við ógninni sem stafar af íslamisma. Þetta snýst ekki um þjóðerni, trúarbrögð, hvað þá heldur litarhátt fólks. Hér er á ferðinni hugmyndafræðilegt alræðiskerfi, í líkingu við kommúnismann og nasismann, og ekki síst innflutning á menningunni sem fylgir öfgaíslam. Sú menning er slæm. Hún er slæm fyrir konur, samkynhneigða, frjálslynda múslima, fólk sem aðhyllist önnur gildi og trúarbrögð, fyrir tjáningarfrelsið, stjórnmálaleg og borgaraleg réttindi. Margir múslimar, ekki síður en Vesturlandabúar, kæra sig ekki um þessa alræðisstefnu né þá menningu sem henni fylgir.
2. Sjá Alrisalah Scandinavian Foundation. Síðast sótt 12-06-2016.
3. Al-Risalah Skandinaviska Stiftelse. Síðast sótt 12-06-2016.
4. Á alþjóðavettvangi er það Sádi-Arabía sem heldur salafismanum á lofti. Wahabbisminn kom áður fram í Sádi-Arabíu á 18. öld. Stofnað var til þeirrar stefnu af Muhammad Ibn Ahd al-Wahab (1720-1792). Sádi-Arabía kýs að nota hugtakið salafismi um sína stefnu – frá arabíska orðinu salaf (,,fyrirrennarar”, ,,forfeður”) – sennilega vegna þess að það þykir trúarlegra séð ,,hreinna” að fylgja Múhameð og hinum fyrstu sanntrúuðu heldur en binda bagga sína við fræði skriflærðs manns á borð við al-Wahab. Hussein Al-Daoudi, framkvæmdastjóri Al-Risalah-stofnunarinnar, og Ahmad Seddeeq, ímam Menningaseturs múslima, vilja heldur ekki lýsa sér sem ,,wahabbista”. Þó er vart merkjanlegur munur á salafisma og wahabbisma. Norski rithöfundurinn Hege Storhaug (Þjóðaplágan íslam, 2016) kýs að halda sig við hugtakið salafisma þar sem þetta er sú trúarstefna sem flestir bókstafstrúaðir múslimar í Noregi og Evrópu kenna sig við.
5. Sjá t.d. Al Salamskolan kritiseras för att inte låta barnen lyssna på modern musik. Síðast sótt 12-06-2016.
6. Sjá t.d. orð Sverris Agnarssonar hér Erum ekki wahhabistar. Síðast sótt 12-06-2016.
7. Sjá sydsvenskan.se, 8. febrúar 2006: ,,al-Haramain står på FN’s terrorlista”. Síðast sótt 12-06-2016.
8. Norska NTB-fréttastofan birti fréttina 20. janúar 2010 og hún var síðan birt í fjölda fjölmiðla í Noregi. Sjá til dæmis vl.no sama dag: ,,Tromsø: Vil bygge moské sponset av Saudi-Arabia”. Síðast sótt 12-06-2016.
9. Sjá nordlys.no, 5. nóvember 2010: ,,Alnor finanaieres av saudisk nettverk”. Síðast sótt 12-06-2016.
10. Sjá nordlys.no, 11 október 2012: ,,Tar ikke kvinner i hånda”. Síðast sótt 12-06-2016.
11. Sjá svd.se, 2. febrúar 2011: ,,Norska regeringen säger nej tack till saudiska pengar”. Síðast sótt 12-06-2016.
12. Sjá nrk.no, 5 nóvember 2010: ,,Hemmelig moské-sponsor avslørt”. Síðast sótt 12-06-2016.
13. Sjá nordlys.no, 5. nóvember 2010: ,,Alnor finanaieres av saudisk nettverk”. Síðast sótt 12-06-2016.
14. Sjá mbl.is, 4. desember 2015: „Fólk vill vita hvort allt sé rotið“. Síðast sótt 12-06-2016.
15. Sama heimild og nr. 14 hér að ofan. Síðast sótt 12-06-2016.
16. Sjá visir.is, 30. ágúst 2012: Bænastarf múslima í Ýmishúsinu hefst um helgina. Síðast sótt 12-06-2016.
17. Sjá kirkjan.is, 3. september 2012: Kynntu væntanlega mosku. Sjá einnig visir.is, 27. maí 2014: Biskup Íslands fylgjandi mosku: „Finnst sjálfsagt að múslimar fái að hafa sinn helgistað“. Síðast sótt 12-06-2016.
18. Sjá nordlys.no, 11 október 2012: ,,Tar ikke kvinner i hånda”. Síðast sótt 12-06-2016.
19. Nordlys. 2010. ,,UD griper inn. Stopper fianseringin av mosken. Har henvendt seg til saudiske myndigheter. Nå satser Sandra Maryam Moe på Island”, 6. nóvember. Sjá nánar bls. 301-304 í Storhaug, Hege. 2016. Þjóðaplágan íslam. Reykjavík: Tjáningarfrelsið. Sjá einnig texta undir mynd í frétt sverigesradio.se, 16. nóvember 2010: ,,Örebroaren Hussein Aldaoudi, tvåa från vänster, planerar ett muslimskt centrum på Island”. Síðast sótt 12-06-2016.
20. Sjá nordlys.no, 16. október 2010: ,,Var knyttet til terrornettverk”. Síðast sótt 12-06-2016.
21. Sjá youtube.com: ,,Mission Dawah Norway”. Síðast sótt 12-06-2016.
22. Sjá ex-muslim.org.uk: Evangelising Hate – Islamic Education and Research Academy (iERA). Síðast sótt 12-06-2016.