Kafli úr heimildarmyndinni The Third Jihad – Radcial Islam´s Vision for America þar sem vikið er að þróuninni í Evrópu t.d. hvað tjáningarfrelsi og lýðfræði varðar. Sökum innflutnings og hárrar fæðingartíðni meðal múslima er búist við að innan nokkurra áratuga verði múslimar meiri hluti íbúafjölda margra Evrópuríkja.

Íslam: Þriðja alræðiskerfið

Síðustu öld glímdu Evrópubúar við tvö alræðiskerfi sem ógnuðu hinu frjálsa og veraldlega lýðræði álfunnar; byltingarmarkmið kommúnismans, alræði öreiganna, og útþenslustefnu nasismans og fasismans. Á okkar tímum sjáum við uppgang og útbreiðslu þriðju alræðishyggjunnar. Fullbúið trúarlegt, félagslegt, stjórnmálalegt og lagalegt hugmyndakerfi sem er í andstöðu við megingildi vestrænnar menningar.

,,Það sem við sjá­um núna í Vestur-Evr­ópu er ris alræðis­legr­ar hug­mynda­fræði sem á ræt­ur sín­ar í íslam,“ seg­ir Hege Stor­haug, höf­und­ur bók­ar­inn­ar Þjóðaplág­an íslam, sem ný­lega kom út hér á landi. Storhaug bætir því við að hún eigi ekki við trú­ar­brögðin í heild sinni. Storhaug seg­ir að tvær ólík­ar hliðar séu á íslam sem hún rek­ur til tveggja ólíkra ævi­skeiða Múhameðs. Frá Medína hafi hann breitt út trúna með of­beldi. „Sú stefna sem hef­ur náð völd­um í mosk­um súnní- og sjítamúslima, og einnig náð fót­festu í Evr­ópu, er sú hin sama og varð til í Medína,“ seg­ir Stor­haug. Það sé alræðis­stefna okk­ar tíma.

Gagnrýnendur alræðisstefnu íslamista þurfa ekki aðeins að sitja undir líflátshótunum múslima, sum þeirra umkringd vopnuðum lífvörðum öllum stundum sólarhringsins, heldur einnig árásum fjölmiðlafólks, menntamanna og stjórnmálamanna sem afneita réttmætum spurningum um íslam og innflytjendastefnuna.

Mehdi Mozaffari er prófessor við Árósaháskóla og fyrsti prófessor í íslömskum fræðum í Danmörku. Mozaffari flúði frá Íran árið 1979 þegar klerkastjórn ayatollah Khomeinis stofnsetti þar íslamskt lýðveldi. Mozaaffari varar alvarlega við íslamismanum, sem hann telur helstu einræðisstefnu okkar tíma.

,,Nasisminn, fasisminn og bolsévisminn hafa nú horfið sjónum sem hugmyndafræði sem nokkuð vald er á bak við,” segir hann. ,,Íslamisminn er alræðishyggja og einræðishreyfing okkar tíma. Þessi hugmyndafræði hefur eina vídd, sem hinar skorti. Það er hin trúarlega. Þetta gerir íslamismann miklu hættulegri en ella. Stalín, Hitler og Mússólini glímdu við að fá fólk til fylgis við sig til styrjalda og annarra verka, með því að vísa til jarðbundinna röksemda, en íslamisminn þarf ekki að reka neina rökræðu. Þar er byggt á trúarlegri skyldu. Hollustan er ekki gagnvart ríki eða leiðtoga. Hún snýr að Allah.”1

Mozaffari segir hreint út, að lýðræði Evrópu stafi hætta af íslamismanum: ,,Þetta er barátta sem ekki er hægt að ljúka með málamiðlunum. Það er ekki hægt að taka smávegis af lýðræði og smotterí af einræði og búið til blöndu úr því. Það verður að velja á milli,” segir hann.2

1) Storhaug, Hege. 2008. Dýrmætast er frelsið: Innflytjendastefna og afleiðingar hennar., bls. 289-290. 2) Sama rit, bls. 291

Merkimiðum eins og ,,hægriöfgamaður”, ,,rasisti”, ,,íslamófób” og hin lævísa stimplun ,,umdeild” eða ,,umdeildur” er klínd á málsmetandi konur og karla sem gagnrýna óþægilegar staðreyndir um íslam. Skiptir þá engu hver kynþáttur, þjóðerni eða trú gagnrýnandans er, jafnvel blökkumenn og frjálslyndir múslimar fá sömu uppnefni.

Gagnrýnendur alræðisstefnu íslamista þurfa ekki aðeins að sitja undir líflátshótunum múslima, sum þeirra umkringd vopnuðum lífvörðum öllum stundum sólarhringsins, heldur einnig árásum fjölmiðlafólks, menntamanna og stjórnmálamanna sem virðast ekki aðeins hika við að ræða eldfimasta mál okkar samtíðar, heldur hafa alla króka í frammi að afneita réttmætum spurningum um íslam og innflytjendastefnuna.

Merkimiðum – eins og ,,hægriöfgamaður”, án þess að skilgreina í hverju öfgarnir liggja, ,,rasisti”, þótt íslamisminn, eins og kommúnisminn, sé hugmyndafræði en ekki kynþáttur, og hið víðkunna hugtak ,,íslamófóbía”, sem íslamistar fundu upp til að klekkja á kvennréttindakonum á áttunda áratugu síðustu aldar – er klínt á alla málsmetandi menn sem gagnrýna óþægilegar staðreyndir eins og nauðganir, þvingunarhjónabönd, heiðursmorð, kynfæralimlestingar, kvennakúgun og fyrirlitningu á grundvallarmannréttindum, svo sem tjáningarfrelsi og trúfrelsi.

Allt eru þetta fylgifiskar öfgaíslams, svo ekki sé minnst á ofbeldið og árásargirnina, sem fjölmenningarstefnan hefur flutt til Vestur-Evrópu úr menningarheimi íslams.

Það er til marks um hversu galin umræðan er að nýjasta bók Heges Storhaug, Þjóðaplágan íslam, var sögð ,,hatursbók gegn múslimum” í umfjöllun eins blaðamanns Stundarinnar, sem að öllum líkindum hefur ekki einu sinni lesið bókina. Í bókinni tekur Storhaug ítrekað fram hversu mikilvægt sé að gera skýran greinamun á fylgismönnum hins yfirvaldslega, stjórnmálalega íslams (“Medína-múslimum”) og friðsömum, frjálslyndum múslimum (“Mekka-múslimum) sem álíta sharía-lög ekki veraldlegum lögum æðri. Mikið af þeim heimildum sem Hege vísar til eru einmitt heimildarþættir, bækur, skrif og reynslusögur múslima sem vilja vara fólki við uppgangi íslamista og hatursáróðurinum sem þeir stunda í moskum sínum og menningarsetrum.

Kunnir andmælendur öfgaíslams: Tommy Robinson, Geert Wilders, Ayaan Hirsi Ali og Paul Joseph Watson

Í viðtölunum hér fyrir neðan er vikið að margvíslegum vanda sem við stöndum nú frammi fyrir. Margt misfagurt ber þar á góma en við komumst ekki hjá því að kynna okkur hverning málum er háttað ef við eigum að spyrna á móti hinu nýja alræði og grípa til aðgerða sem vinna á vandanum.

Viðtöl og fyrirlestrar: 1) Tommy Robinson er einn af stofnendum og fyrrverandi leiðtogi English Defence League (EDL). Robinson leiðir nú, ásamt Paul Weston og Anne Marie Waters, Bretlandshreyfingu PEGIDA-samtakanna. Robinson hefur verið skotspónn bæði íslamskra öfgamanna og breskrar lögreglu vegna andófs síns gegn hugmyndafræði íslamista. 2) Geert Wilders þingmaður, stofnandi og formaður Frelsisflokksins (Partij voor de Vrijheid PVV) í Hollandi. Vegna morðhótanna íslamista er Wilders vaktaður af vopnuðum lífvörðum allan sólarhringinn og hefur verið í meira en áratug. 3) Ayaan Hirsi Ali er sómalskur flóttamaður, rithöfundur og fyrrverandi þingmaður í Hollandi. Hún hefur neyðst til að fara huldu höfði um árabil og hefur lífi hennar margsinnis verið ógnað af íslömskum öfgamönnum vegna baráttu hennar gegn heiðursmorðum, nauðungarhjónaböndum og kynfæralimlestingum á múslimskum konum. 4) John Paul Watson er ritstjóri Infowars.com, sjónvarpsmaður og rithöfundur. Hann hefur skrifað fjölda greina um samfélagsmál og nýtur YouTube-rásin hans mikilla vinsælda.

Á hverjum tíma finnst réttrúnaður, safn hugmynda sem gengið er út frá sem vísu að allar rétthugsandi manneskjur samþykki án spurninga. Það er ekki beinlínis bannað að segja þetta eða hitt, en það samt nokkuð sem fólk gerir ekki. Allir sem ögra ríkjandi réttrúnaði uppgötva að það er þaggað niður í þeim með ótrúlega skilvirkum hætti. Skoðun, sem gengur þvert á það sem er í tísku hverju sinni, fær nær aldrei sanngjarna umfjöllun í umræðunni, hvorki í almennum fjölmiðlum né í tímaritum lærdómsfólksins.3

George Orwell

The Freedom of the Press

Kunnir andmælendur öfgaíslam: Sam Harris, Maajid Nawaz, Douglas Murray, Toni Bulgi og Mark Steyn.

Viðtöl: 1) Sam Harris er trúleysingi, taugavísindamaður og rithöfundur sem hefur skrifað metsölubækur um mikilvægi veraldarhyggju og vísinda í nútímasamfélagi. Maajid Nawaz er forstöðumaður Quilliam hugveitunnar sem greinir öfgaöfl innan íslam. Nawaz er múslimi og fyrrverandi íslamisti sem gekk af trúnni í egypsku fangelsi. Nawaz berst nú fyrir endurbótum á íslamstrú. 2) Douglas Murray er rithöfundur, blaðamaður og álitsgjafi sem veitir bresku hugveitunni Henry Jackson Society forstöðu. Murray nýtur lögregluverndar í sumum löndum vegna gagnrýni sinnar á íslam. 3) Toni Bulgi er breskur femínisti og stofnandi M.A.R.I.A.S. (Mother’s Against Radical Islam and Sharia) sem hefur m.a. vakið athygli ráðamanna og almennings á faraldri nauðgana í Bretlandi. Áætlað hefur verið að um ein milljón breskra kvenna hafi verið nauðgað og misþyrmt af gengjum, þar af ungar stúlkur og börn.4) Mark Steyn er kanadískur rithöfundur, blaðamaður og álitsgjafi. Steyn segir Vesturlandabúa svo upptekna af siðferðilegri og menningarlegri afstæðishyggju – með ,,fjölbreytni” og ,,rasisma” sem nýjustu uppáhaldsorðin – að þeim er um megn að skilja að tilvist þeirra er ógnað.

Einstaklingsfrelsi okkar á sér vart hliðstæðu. Hvorki í sögulegu né alþjóðlegu samhengi. Hér hverfur hugurinn sérstaklega til hins opna og frjálsa sambands á milli manns og konu, sem einkennist af gagnkvæmri virðingu og jafnrétti. Við höfum öll sömu réttindi. Jafna möguleika til að móta okkar líf og láta drauma okkar rætast. Við getum bundist ævilöngum vináttuböndum við aðra einstaklinga, án þess að kynferði okkar sé þar til neinnar hindrunar. Okkur er frjálst að láta ástartilfinningar ráða ferðinni og ganga í hjónabönd að eigin ósk. Standist hjónabandið ekki væntingar, þá er okkur frjálst að losa okkur út úr því. Konur ráða algerlega yfir eigin líkama. Þær geta sjálfar ákveðið hvort þær vilji verða mæður og hve mörg börn þær vilja eignast. Konur geta ferðast eftir eigin höfði þangað sem þeim sýnist. Síðast en ekki síst geta konur á sama hátt og karlmenn tjáð sínar skoðanir. Málfrelsið gerir okkur kleift að skora bæði okkur sjálf og umhverfi okkar á hólm. Þannig getum við haft áhrif til hins betra á það samfélag sem við lifum í.

Þetta víðtæka frelsi kom ekki til okkar siglandi á fjöl. Það er heldur ekki sjálfgefið að það vari að eilífu.4

Hege Storhaug

Dýrmætast er frelsið

3) Storhaug, Hege. 2016. Þjóðaplágan íslam., bls. 391-392. 4) Storhaug, Hege. 2008. Dýrmætast er frelsið: Innflytjendastefna og afleiðingar hennar, bls. 13-14.